Hand uff’s Härz: 'Steini' (Markus Steinhöfer)

Am my Rhyy wimmlet’s vo Fuessballexpärte, ellai in dr Stadt hett’s geschetzti 120'000 drvoo (und mr wei die 3 uff dr Landschaft nit vrgässe!). Und jetz hämmer e gar nit emol so schlächte Vrteidigr kha (vo Ghana), und dä hett im Wintr 2011 nullkommapfiff in d’Ukraine wölle wäggsle. Also ass mr ys vrstöhn, nit wäge-n-em Gäld, eifach wäge de bessere finanzielle Perscheggtyve.

Und all die grandioose Expärte in unsrer Stadt, an ihre Stammtisch und in ihre Tschättrüüm, die hänn gseit: „So jetz miemr e richtigi Bombe als Linggsvrteidigr ha!“ E Lahm zem Byspyyl, odr dr Iniesta, odr OK wenn’s absolut syy muess dr Ferdinand (abr dä isch mit 28 Joor scho z’alt). Und uff dr Tribüne hett ein gschraue: „He Bernhard, hol emol dr Arschawin!“. Si hänn drnoo eine gholt: Steinhöfer, Markus - vo Eintracht Frankfurt.

Und tuusigi hänn droht si wurde ihr Saisonabo nit erneuere wemme so ein holt wo numme für d’Schwoobe U21 gschuttet und ersch grad 41 Mätsch in dr Bundesliga gmacht hett. Abr drnoo hett är agfange schutte und syt är do isch hett dr FCB numme no butzt. Är isch eso beliebt woorde ass är schnäll zu unser aller „Steini“ mutiert isch, ein vo uns, wär ussem groosse Kantoon kha das scho saage (ussr em St. Benthaus nadürligg). Wär en eimol gseh hett mit synere Meischtrsygaare am Seibi, „Ich lieb euch alle auch!“, dä weiss was do an deutscher Wertarbeit und au Witz und Charme in dene hundertachtefuffzig Santimeter steggt – und dä vrzeit em au gärn wenner wider emol mit synere Vespa duur d’Freye blocht.

Und eins hett dr Steini schafft, wär kha das sch vo sich saage: FCB Fans wärde no in 40 Joor übr ihn schwätze und sich mit emmene breite Grinse an en bsinne. Was mr meine isch jo glar, odr? Also, ich sach jetz’ mal … „ammene guete Daag macht er dä!“

1. Was isch dy ydriggligschti Fasnachtserinnerig?
Als ich bei der ersten Fasnacht im Vortrab der Alte Richtig mitlaufen durfte

2. Was ka dy an dr Fasnacht närve?
Bis jetzt amüsierte ich mich eigentlich nur an der Fasnacht. Da ich aber mitten in der Stadt wohne, staunte ich extrem über das Durchhaltevermögen der Fasnächtler. Selbst morgens wird getrommelt und gepfiffen, für meinen Schlaf nicht besonders förderlich.

3. Welli drey Wörtr falle dir zem Begriff „Waggis“ spontan ii?
Lange Nase, grosses Maul und Mimöösli

4. Sell d’Waggis-Naaselengi vom Fasnachts-Comité reguliert wärde? (falls jo, uff wie lang maximal?)
Nein, auf keinen Fall. In der Schweiz ist ja sonst schon alles tip top geregelt! Obwohl, wenn der eine oder andere Waggis zu viel intus hat, könnte eine lange Nase den Gleichgewichtssinn beeinträchtigen

5. Basel ohni Fasnacht isch wie …. ?
Der FCB ohne Titel.

6. Was bringt di so richtig uff’d Palme?
An der Fasnacht bin ich völlig ausgeglichen, da bringt mich gar nichts aus der Ruhe

7. … und ibr was kasch dy eso richtig froie?
Über schöne Urlaube mit meiner Alice

8. Beschryyb ys bitte emol d’Fasnacht in dyne schlimmschte Alpträum.  
Oje, was habt Ihr denn da für Fragen... Bitte lasst mir die Fasnacht so in Erinnerung wie ich sie jeweils erlebt habe, einfach wunderschön!

9. Was wär dr Menschheit vrloore gange wenn’s di nit gäbti?
Ein Vespa fahrender Deutscher in der Schweiz

10. … und was bitte wär dr Menschheit erspaart woorde wenn’s di nit gäbti?
Den Lattenschuss gegen Manchester United

11. Was wurdsch an Basel - odr an dr Schwyz - sofort ändere?
Die hohen Verkehrsbussen den deutschen Verhältnissen anpassen

12. Mit wellem Mensch (ob lebändig odr nit) wottsch du gärn emol znacht ässe?
Roger Federer

13. … und was wurdsch du die Person ganz sicher frooge?
Wie er es schafft, als bester Tennisspieler aller Zeiten so cool und auf dem Boden zu bleiben

14. Was isch fir di dr Maximallohn wo-n-e Mensch pro Johr derft verdiene, egal wo und wievyyl är/sie schafft?
Ui, das fragt Ihr einen Fussballer...?

15. Worum sött e Waggis Stadtpresidänt wäärde?
Weil ein Waggis sicherlich nicht mehr Blödsinn erzählt als die Politiker

16. Wär odr was bringt di sofort zem lache?
Felice (mein Neffe)

17. Letschti Froog, Hand uff’s Härz: wäm wurdsch du die Frooge am liebschte zem beantworte gäh?
Baschi, dem Sänger, nicht dem Politiker! Wobei ich mir nicht sicher bin, ob er mit seinem Dialekt alle Fragen verstehen wird :-)