Tristan da Cunha

Zway Okalolies uf Tristan da Cunha - dr entlägnschte Insle uff dr Wält
Zway Okalolies uf Tristan da Cunha - dr entlägnschte Insle uff dr Wält

Uff Tristan da Cunha, dr entlägnschte Insle vo dr Wält zmitts im Südatlantigg, koschdümiere sich die junge Insulanr (Tristanians) in dr Silveschtrnacht und jaage Stubepflutte. Als Laarve hett me traditionell Tierfäll gno, dekoriert mit Blueme, Stoff und Sache wo me am Strand gfunde hett, und Strau, alti Segg, Öölkleidig und Lümpe als Goschdüm (hüt importiert me Plastiggmaske us Südafrika…). Traditionell dörfe numme Männr bi däm Bruuch mitmache und me dörf sich niemols z erkenne gäh. Me vrstellt sy Gang und duet hingge, und me imitiert anderi Akzänt mitere Lischplstimm. Die Passyve mien roote wär sich hintr dr Larve könnt vrstegge – drnoo git s e Grill (braai) und zwey drey Bierli, bis s neue Joor yglütte wird.

Dä gspässig Namme kunnt im Fall ussem Afrikaans (olie kolonies ‚alte Kolonialherre’, e Bruuch z Kapstadt) odr eventuell us em Gälische (ein vo de Begründr vo dr Insle isch e Schott gsi).

 

Kurios: syt 2009 hänn d Okalolies en eigeni Briefmargge.