-minu

Normalerwyys lauft „Hand uffs Härz“ mit Persoone ussem effentlige Lääbe eso:

 

Afroog: „Y bi e glaini Ainzelmasgge bla bla bla Hättsch nit Luscht, die Frooge z’beantworte? Bitte bitte bitte!“

 

Antwort: -

 

(… die dien sich aifach nit vergegewärtige ass es e Hampfle Räppli gitt und ass mir Waggis in dere Beziehig wie Elefante sinn)

 

Bim –minu abr isch alles e chli andersch. Me schiggt ihm d’Frooge am Mittwuch nomittag und är retourniert das ganze scho am Mittwuch zoobe – direttissima uss dr Toskana, mit liebe Griess an dr unbikannt Waggis. An Apéro kenn är abr laidr nit koh, är syg jo an dr Fasnacht die ganz Zyt fir s’Schwizer Färnseh und d’BaZ unterwägs, me muess vrstoh, es duet ihm laid, abr merci ainewäg… Das macht sogar emmene ruche Waggis Ydrugg, y ha fasch nimmi gwisst was gaggse (und das kunnt so hyffig vor wie Oschtere im Dezämbr).

Und meh muess ibr dr –minu do nit saage, wär bittscheen kennt ihn nit? Geboore 1947 z’Basel, Koch, Autor, Kolumnischt und drzue no Bon-vivant par excellence mit aigener Kochsändig, är wo scho Klatschspalte gmacht hett wo Herr und Frau Schwizer nit emol gwisst hänn wie me das Wort buechstabiert (in dr Nationaal-Zytig anno 1969, im Johr vo dr Mondlandig, dr Première vo Pippi Langstrumpf und dr Schlammschlacht z’Woodstock). Und ganz sichr hänn si domols dänggt es syg ebbis gruusigs und s drnoo erscht rächt glääse - haimligg natyrligg…

Dr –minu isch informiert ibr unsri gliebti Stadt wie kai andere (s’goht s’Gricht ass em Mitglidr vom Daig sogar Zeedel zuegsteggt hänn mit dr Bitt är sell se erwähne in syne Kolumne), aine wo alli doofe Vorurtail mit Bravour und Stil konteret, aine wo immr ebbis z’saage hett und s’Lääbe au dangg sym guete Humor gniesst …

… und jetz wisse mer ass dr -minu e Härz hett fir Waggis und item e feyne Mensch ohni Allyre und Vorurtail muess syy – merci, chapeau und zwai Reesli vom Waggis!

 

 

1. Was isch dy ydriggligschti Fasnachtserinnerig?

Der erste Morgenstraich in der jungen Garde der Lälli-Clique. Wir marschierten vor dem Goldenen Sternen in der Aeschenvorstadt ab – und ich habe unter der Larve geheult. Seither habe ich keine Fasnacht verpasst.

 

2. Was ka dy an dr Fasnacht närve?

Diese Scheiss-Gröler in der Morgenstraichnacht, wenn sie in Ketten durch die Stadt jaulen. Die Morgenstraichnacht hat für mich so etwas Verzaubertes wie ein Heiliger Abend.

 

3. Welli drey Wörtr falle dir zem Begriff „Waggis“ spontan y?

Orangen, Mimosen, Nase

 

4. Sell d’Waggis-Naaselengi vom Fasnachts-Comité reguliert wärde? (falls jo, uff wie lang maximal?)

Blödsinn – an der Fasnacht soll es keine Verbote geben. Nur Toleranz.

 

5. Basel ohni Fasnacht isch wie …. ?

Wie Basel ohni Fasnacht

 

6. Was bringt di so richtig uff’d Palme?

Die Verlogenheit von Leuten die Umweltschutz predigen und mit dem Flugzeug nach Südafrika fliegen, um Sonne zu tanken.

 

7. … und ibr was kasch dy eso richtig froie?

…über ein Cliquezigli voller Binggis, weil ich da sehe, dass die Fasnacht nicht ausstirbt.

 

8. E liebs Familiemitgliid schänggt dir zem Geburtsdaag e FCZ-Saisonabo – was machsch?

Was ist FCZ?

 

9. Wenn Ziiri ‚Downtown Switzerland’ isch, denn isch Basel… ?

Culture Highlife in Europe

 

10. Was isch fir di dr scheenschti Ort z’Basel?

Münschterplatz, Dalbeloch und Rhyhaafe

 

11. Was wurdsch an Basel - odr an dr Schwiz - sofort ändere?

Y wünschti mer für baidi meh Toleranz  - für d Schwyz no drei Portione meh ass für Basel

 

12. Mit wellem Mensch (ob lebändig odr nit) wottsch du gärn emol znacht ässe?

George Clooney

 

13. … und was wurdsch du die Person ganz sicher frooge?

…ob er tatsächlich Nespresso trinkt

 

14. Was isch fir di dr Maximallohn wo-n-e Mensch pro Johr derft verdiene, egal wo und wievyyl är/sie schafft?

Man hat immer diesen Lohn, den man verdient.

 

15. Was nimmsch mit uff e-n-ainsami Insle?

Meinen Freund Innocent, ohne den ich auch auf der kleinsten Insel verloren bin

 

16. Wär odr was bringt di sofort zem lache?

Leute , die auch über sich selber lachen können

 

17. Letschti Froog, Hand uff’s Härz: wäm wurdsch du die Frooge am liebschte zem beantworte gäh?

Zum Beispiel unserem Stadtpräsidenten

[Amergigg vo dr Redaggtioon:

dr Stadtpresidänt isch au drbyy; är legt vor dr Fasnacht afang Meerze do sy Hand uffs Härz]

 

 

Und em –minu sy Websyyte (http://www.minubasel.ch/) ka-n-y do numme wärmschtens empfähle. Si isch so guet si kunnt scho fasch an d’Bâlaarisyyte aane …

 

 

 

(….also guet, y gib’s zue, si isch doch no e chli besser – abr y hol uff!!)