Syt Septämbr 2012 organisiert la bionda d Agända vom CT immene Astelligsvrhältnis 2% uff Mandatsbasis.
Für uns isch la bionda unvrzichtbar. Au wenn sy s Rampeliecht nit eso suecht, no hett si allewyyl gueti Ideee, identifiziert sich 100% mit unsrer Gschäftsphilosophyy
(weiss au nit was das isch, abr ha dänggt, das hört sich guet a), si rollt Löösli für d Tombola, schloht e Sujet vor und kritisiert ys au emol wenns muess syy (also öbbe eimol in dr Wuche odr
wemmr ihri Idee fürs Sujet nit guet finde). Si sorgt für Rueh und Ornig wenn s Temperamänt widr emol mit ys drvoo galoppiert.
Hey, la bionda isch dr lebändigi Bewyys ass hintr jedem Waggis e starggi Frau stoht. Meh muess me nit saage.
1. Was isch dy ydriggligschti Fasnachtserinnerig?
Wo ich als Chind ha dörfe ufem Waage mitfahre vo de Gränzgänger
2. Was ka dy an dr Fasnacht närve?
Die wo numme Suffe
3. Welli drey Wörtr falle dir zem Begriff „Waggis“ spontan ii?
bleu blance rouge
4. Sell d’Waggis-Naaselengi vom Fasnachts-Comité reguliert wärde? (falls jo, uff wie lang maximal?)
kei Ahnig – kenns Comite nit … het’s kei Antwort zum Uswähle ?!?!
5. Basel ohni Fasnacht isch wie …. ?
Dusche ohni Wasser
6. Was bringt di so richtig uff’d Palme?
Falschi Mensche und die vile schlächte Schlagzile immer und immer wieder
7. … und ibr was kasch dy eso richtig froie?
Wenn ich gseh, dass mini liebschte vo Härze lache
8. Beschryyb ys bitte emol d’Fasnacht in dyne schlimmschte Alpträum.
Wenns länger als 3 Däag würdi go
9. Was wär dr Menschheit vrloore gange wenn’s di nit gäbti?
Dr Menschheit dänk nüt…. aber mine liebschte jedi Mängi
10. … und was bitte wär dr Menschheit erspaart woorde wenn’s di nit gäbti?
Die müesste jetzt nit die komische Antworte läse
11. Was wurdsch an Basel - odr an dr Schwyz - sofort ändere?
Eigentlich nüt – do mirs jo wirklich schön hän – aber wenn den würd ich mir e Strand inkl. Meer wünsche ;0)
12. Mit wellem Mensch (ob lebändig odr nit) wottsch du gärn emol znacht ässe?
Mitem Adriano Celentano oder doch lieber Sophia
Loren ..Jane Fonda
13. … und was wurdsch du die Person ganz sicher frooge?
Was isch’s gheimnis vo ihrer Jugendlichkeit – und ich wött bitte nit Botox höre!!
14. Was isch fir di dr Maximallohn wo-n-e Mensch pro Johr derft verdiene, egal wo und wievyyl är/sie schafft?
Schön wärs wenn alli wüsste was Sie morn zässe ufem Tisch hän
15. Worum sött e Waggis Stadtpresidänt wäärde?
Kei Ahnig – sött’s eine wärde den nur dr Däni vo de Balaari
16. Wär odr was bringt di sofort zem lache?
Dr Beni
17. Letschti Froog, Hand uff’s Härz: wäm wurdsch du die Frooge am liebschte zem beantworte gäh?
Em Roger Federer