Hand uffs Härz: Herr Zensi
Dr Herr Zensi isch en anonyme Sittewächtr wo übr d Fasnacht wacht, de Bâlaari übr d Schultere luegt (und mir sichr so guet kenne wie-n-är uns) und aifach eso s'Geschtebuech uff dr Bâalaarisyyte anneggtiert hett. D Masche isch allewyyl die glyychi: dr Herr Zensi reist uff dr Wält umenand, drifft öbbr a, vrzellt vo dr Bâalaarisyyte und die Persoon schryybt drnoo en absolument schreege Ydraag ins Geschtebuech. Das gitt en internationaali Kundschaft und isch eso untrhaltsaam, ass vyyli saage d'Bâlaarisyyte ohni Herr Zensi isch wie-n-e FCB Match ohni FCB.
Am 25. Meerze 2010 isch dr Herr Zensi zem erschte mol bi uns ufftaucht, bis jetz hänn sich 14 vo syne Bekanntschafte us allr Wält (oder us synere Fäädere) im Geschtebuech vereewigt:
25.3.2010 Bang Zsel Schnii, China
20.4.2010 Dasfindidov Kontroljedew, Russland
17.9.2010 Bikiniz Tangasia Busiella Pussiticia Geileraz, Brasilie
30.10.2010 Scotch McDrunk, Schottland
30.1.2011 Ingeborg Koitusson und Per Samström, Schweede
15.3.2011 Sangoulé Gradrakho, Burkina Faso
16.3.2011 Fatima Saxena Tamburalimi, Indie
17.3.2011 Wim van der Sause, Holland
28.3.2011 Kimmo Kopierlander, Finnland
16.4.2011 Giovanni Aspetta, Italie
5.10.2011 Bajas Blätzli, Basel
4.12.2012 Stutseus Pankrotios, Griecheland
27.2.2012 Hermine Immerda, Oeschterrych
21.3.2012 Koscher Frasnigi, Albanie
Mir empfähle d Lektüre vom Geschtebuech, es lohnt sich immr widr vo neuem. Au wenn em guete Herr Zensi in de letschte zwei Joore allem Aschyyn a e chli dr Dampf usgange isch...
Dr Herr Zensi isch dodrmit Kult woorde. Mr hänn ys lang gfrogt wär das isch und noch glatte Ööbe und divärse Gleesli au scho e Profil uffgstellt, abr nei, mer wüsse NIT wär är isch. Abr mr finde s eifach geniaal ass öbbr unsr Herrschaftsgebiet anneggtiert, ys übr Joore e langi Nase drüllt und mit uns Waggis „gäll de kennsch my nit“ macht. Uff sone Idee muesch zersch emol kho. Und mr wänn noimeduure au nit wüsse wär das isch (au wenn: e ganz heisse Fährte goht ins Gleibasel) – will: es isch allewyyl bessr me muess roote wär hintr dr Larve könnti syy und ob me dä kennt odr nit. Nit woor, Herr Zensi?
... abr wie hämmr s gschafft, syni Antwoorte z ibrkho wo mr jo gar nit wüsse wär das isch? Ganz eifach: übers Medium vom Herr Zensi, s Geschtebuech. Dört hett är syni Antwoorte hintrloh, mir hänn se kopiert und paschtiert, und voilà. Sy Antwort isch gsi:
„Nun Herr Balaari. Ich habe keine Ahnung um was es hier geht, was sie da oben so meinen. Dass Sie mich jetzt nach Äffen finde ich übrigens nicht so Originell.:-(( Ich habe jedoch von einem meiner Informanten den Newsletter erhalten und möchte hiermit Ihnen meine Antworten senden. Normalerweise beteilige ich mich nicht an irgendwelchem Unfug. Da ich aber das ganze als sehr seriös betrachte mache ich mit bei Ihrer Umfrage. Bitte schneiden Sie dann meine Antworten aus und platzieren Sie diese wo sie hingehören.
Hochachtungsvoll
Zensi, Delegierter der gesitteten Fasnacht“
Abr ob das jetz wirgligg dr Herr Zensi isch, odr e billige Imitateur… das wüsse nit emol mir Waggis.
Abr wette, dr Herr Zensi wird sich bald widr mälde im Geschtebuech?
1. Was isch dy ydriggligschti Fasnachtserinnerig?
Das treffen mit Ingeborg und Per an der letzten Fasnacht
2. Was ka dy an dr Fasnacht närve?
Leute wie Scotch McDrunk od. gewisse Einträge in Ihrem Gästebuch
3. Welli drey Wörtr falle dir zem Begriff „Waggis“ spontan ii?
Moschdöpfeli, Nua und Fatima
4. Sell d’Waggis-Naaselengi vom Fasnachts-Comité reguliert wärde? (falls jo, uff wie lang maximal?)
Ja klar. Es ist immer noch eine Pendenz an der Delegierten Versammlung, weil wir nach einer guten und klugen Lösung suchen, wo alle damit leben können.
5. Basel ohni Fasnacht isch wie …. ?
wie ein Turisten verbot an der Fasnacht.
6. Was bringt di so richtig uff’d Palme?
Klugschwätzer, Leute ohne Scham, Sexisten und solche die Frauen nicht zu ehren wissen.
7. … und ibr was kasch dy eso richtig froie?
Übers, Moschdöpfeli, Nua, Ingeborg, Fatima, Karin und Ria würde ich ev. auch noch gerne Kennenlernen und auch das Portrait der Sonja tönt sehr "aufstellend".
8. E liebs Familiemitgliid schänggt dir zem Geburtsdaag e FCZ-Saisonabo – was machsch?
Ich weiss nicht welches Glied sie meinen (räusper, räusper). Ich gehe eigentlich gerne ins Theater, doch unterstützt ihre Basler Zeitung nicht schon das Theater Basel? Anyway, ich kenne das Stück FCZ-Saisonabo nicht, so dass mir das wohl auch keiner schenken wird.
9. Wenn Ziiri ‚Downtown Switzerland’ isch, no isch Basel… ?
Die Zentrale der schönen und wundervollen Frauen.
10. Was isch fir di dr scheenschti Ort z’Basel?
Die Rheingasse, da gibt es immer viel zu sehen und zu erleben.
11. Was wurdsch an Basel - odr an dr Schwiz - sofort ändere?
Tja da gäbe es einiges, was aber den Rahmen dieser Webpage sprengen würde.
12. Mit wellem Mensch (ob lebändig odr nit) wottsch du gärn emol znacht ässe?
Mit dem Moschdöpfeli
13. ... und was wurdsch du die Person ganz sicher frooge?
Wie man ein gesittetes Sexualleben führt!!!
14. Was isch fir di dr Maximallohn wo-n-e Mensch pro Johr derft verdiene, egal wo und wievyyl är/sie schafft?
Lohn gibt man sich selber (haben Sie die Vasella Lektionen noch nicht begriffen?)
15. Was nimmsch mit uff e-n-ainsami Insle?
Moschdöpfeli, Nua, Ingeborg, Fatima, Karin und die Viagra.
16. Wär odr was bringt di sofort zem lache?
Sangoulé Gradrakho und seine Maske werde ich nie mehr vergessen.
17. Letschti Froog, Hand uff’s Härz: wäm wurdsch du die Frooge am liebschte zem beantworte gäh?
Moschdöpfeli, Nua, Ingeborg, Fatima, Sonja