DELMAS VERHINDERT ZWERGENAUFSTAND!

So öbbe hätt d’Waggiszytig s’Bâlaari-Jâssturnier 2.0 betytlet.

Dr legendääri Laarve-Kuttle isch wäge-n-emmene Privattermin abwäsnd gsi, dr Fidi, letscht Joor zweite, z’Bangkok am Flughaafe ummeghange, und so sinn d’Karte neu gmischt woorde. Die letschte vom 1.0 hänn fasch butzt, abr dr Topfavorit Peter hett sich umme Muggeseggli mööge duuresetze und dr Waggis-Kiibl gholt.

S’offizielle Ändergäbnis wär drnoo (no 48 Spiil und totaal 18'840 Pünggt):

(und me muess saage ass d’Mina vor dr letschte Rundi gfiehrt hett…)

Und d’Carmen, als einzigi zem erschte mol drbyy, hett e wundrbaare LOVE Kiibl mit heimebrocht und dr Däni S. energisch vor em ultimatyve Schämmr grettet.

Drzue hett’s au das Joor widr die beliebte Jury-Bryyse gäh:

Dr sälbschtvrliebtischti Jasser: Patrick Schmutz (3 vo 15 Stimme)

Die bescht-frisiertischti Jassere: Mina De Francesco (4 vo 15 Stimme)

Dr ehrgyzigschti Jasser: Såscha Røser (42 vo 42 Stimme)

im Wettbüro (e Neuerig das Joor) hett numme grad eine uff dr richtig Syygr gsetzt: dr Simon (abr will är numme 2 Schtei riskiert hett, hett är numme 5 uusebekho).

Mr dangge all dene wo zue däm gründligg missrootene Oobe bydreit hänn und Gschänggli gäh hänn, de Alte Stainlemer für ihri Gaschtfründschaft, dr Gabi für die feyni Kiche, em Herr Lääbr Catering GmbH, und la bionda für d’Buechhaltig (au wenn die liebi am halber 9i hett miesse das Winterfest der Volksmusig mit em Florian Silbereisen luege… hmmhmm).

Und e ganz speziells Danggerscheen goht an dr Pasci, dr Beizer vom phänomenaale Restaurant ONO – em Restaurant mit gediigenem mediterraan-polynesischem Flair wo ächti Waggis ihri Määlsubbe sürpfle. Dr Pasci hett das Joor grad drei Bons gspändet (zwey drvoo sin ins Gleibasel…).

Und s’letschte Woort ghöört em Laarve-Kuttle, unsre Walliser Jasspapscht wo sich sofort vom Brienzersee gmolde hett und dä Oobe via SMS wie folgt kommentiert hett: „Würdiger Nachfolger, die erwartete Spitzenplatzierung für Mina, starke Leistung für Turnierspieler MK, das sorgte sicher für tolle Stimmung. Was wurde denn aus den Topfavoriten Remo, Bruno und Däni?“

Tja, Mantel des Schweigens…

… abr wenn’s nägscht Joor zum Bâlaari-Jâssturnier 3.0 sötti kho und au dr Laarve Kuttle drbyy isch, no gseht die Wält widr anders us. Grosses Waggisehrewort!

Und do d'Helge wo nit lyege: